په هېواد کې د ښځو اوسني وضعیت په اړه د همغږۍ ناسته، وشوه

mowa_af
پنجشنبه ۱۴۰۰/۵/۲۱ - ۴:۴۱
mowa

چهارشنبه، ۲۰ زمری ۱۴۰۰
کابل، افغانستان: د ښځو چارو وزارت، د چهارشنبې په ماسپښین د عامه او ستراتېژیکو اړیکو ادارې د حکومت د اطلاعاتو او رسنیو په مرکز کې په هېواد کې د ښځو اوسني وضعیت په اړه همغږي تر سرلیک لاندې، ناسته وکړه.
په دې ناسته کې یو شمېر وزیرانو، د ملي شورا غړو، کمېشنرانو، مدني فعالانو، د پوهنتونونو استادانو او ښځینه قاضیانو ګډون کړی وو.
د ښځو چارو وزارت سرپرستې، حسینې ساپۍ، د دوه مشخصو پوښتنو په تړاو- د هېواد اوسني حالت او کونډو ښځو ته د مرستو رسولو څرنګوالي په اړه، د ګډونوالو د نظرونو تر لاسه کول، د یادې ناستې موخه وبلله.
د ناستې ګډونوالو په خپلو خبرو کې د ښځو د عمومي روحیې پر ساتلو ټینګار وکړ او دغه راز د جګړو له امله د بېځایه شویو په ځانګړې توګه د ښځو او ماشومانو وضعیت ته، چې له څو ورځو راپدېخوا یې کابل ته پناه راواړې، د رسېدنې لپاره د ادارو د همغږۍ غوښتنه وکړه.
هغوی د بېځایه شویو په ځانګړي ډول ښځو او ماشومانو ته د اوسېدلو ځای نه شتون له اساسي اړتیاوو څخه وباله او له مسوولو ادارو یې غوښتنه وکړه چې د هغوی لپاره د موقتي سرپنا برابرولو برخه کې همکاري وکړي.
د هېواد یو شمېر سیمو کې د طالبانو لخوا د تاوتریخوالی زیاتوالی د دې لامل شوی چې زرګونه کورنۍ بېخایه شي او د دغو بېځایه شویو یوې برخې کابل ته پناه راوړې ده.

تازه خبرونه

شنبه ۱۴۰۰/۵/۲۳ - ۴:۵۹
Background image

د ځوانانو بین المللي ورځې د نمانځنې په مراسمو کې د جمهوررئیس ګډون

جمهوررئیس محمداشرف غني نن مازدیګر د ”هرځوان یو سرتېری“ تر سرلیک لاندې د ځوانانو بین المللي ورځې د نمانځنې په مراسمو کې، ګډون او وینا وکړه.

په دغه مراسمو کې چې په سلامخانې ماڼۍ کې ترسره. . .

پنجشنبه ۱۴۰۰/۵/۲۱ - ۸:۸
Background image

د کلیوالي اقتصاد د پياوړتیا ملي پروګرام د فعالیتونو  او د روانو امنیتني حالاتو د ارزونې غونډه ترسره شوه

۱۴۰۰ زمري ۲۰

د ښځو چارو وزارت د کلیوالي اقتصاد د پیاوړتیا ملي پروګرام د ۱۲ همکارو  موسسو استازو د دې وزارت د ښځو د اقتصادي ځواکمنتیا له معینې آغلې نذیره رحمان او د دې پروګرام له رییسې. . .

پنجشنبه ۱۴۰۰/۵/۲۱ - ۴:۴۱
Background image

په هېواد کې د ښځو اوسني وضعیت په اړه د همغږۍ ناسته، وشوه

چهارشنبه، ۲۰ زمری ۱۴۰۰
کابل، افغانستان: د ښځو چارو وزارت، د چهارشنبې په ماسپښین د عامه او ستراتېژیکو اړیکو ادارې د حکومت د اطلاعاتو او رسنیو په مرکز کې په هېواد کې د ښځو اوسني وضعیت په. . .

BACK TO NEWS