د کلیوالي اقتصاد د پياوړتیا ملي پروګرام د فعالیتونو  او د روانو امنیتني حالاتو د ارزونې غونډه ترسره شوه

mowa_af
پنجشنبه ۱۴۰۰/۵/۲۱ - ۸:۸
mowa

۱۴۰۰ زمري ۲۰

د ښځو چارو وزارت د کلیوالي اقتصاد د پیاوړتیا ملي پروګرام د ۱۲ همکارو  موسسو استازو د دې وزارت د ښځو د اقتصادي ځواکمنتیا له معینې آغلې نذیره رحمان او د دې پروګرام له رییسې آغلې لطیفه مجیدي سره د پروګرام د فعالیتونو په اړه د ښځو چارو وزارت د کنفرانسونو په تالار کې غونډه وکړه.

په دې غونډه کې د پروګرام تر پوښښ لاندې ولایتونو کې پر امنیتي حالاتو او د پروګرام پر فعالیتونو بحث او خبرې اترې وشوې او ګډونوالو د پروګرام د تطبیق لپاره پر نویو لارو چارو خپل نظریات د وزارت او پروګرام له چارواکو  سره شریک کړل.

آغلې نذیره رحمان د ښځو د اقتصادي ځواکمنتیا معینې د برخوالو د نظریاتو په اوریدو سره د پروګرام د همکارو موسسو  استازو ته لازمې لارښوونې وکړلې او د ښځو چارو له ولایتي ریاستونو  سره یې د یادو موسساتو د اړیکو په پیاوړي کولو ټینګار وکړ.

د کلیوالي اقتصاد د پياوړتیا ملي پروګرام اجرایوي رییسې آغلې لطیفه مجیدي د آغلې معینې د خبرو په تایید د ولایتونو او ولسوالیو په کچه د کارکوونکو لپاره پر تخنیکې چارو بحث وکړ او د یادو موسساتو له استازو څخه یې وغوښتل چې په غوره توګه د پروګرام فعالیتونه مخته یوسي.

د یادونې وړ ده چې ۱۱  غیر  دولتي موسسې  په ۲۳ ولایتونو  کې د کلیوالي اقتصاد د پیاوړتیا ملي پروګرام فعالیتونه پلي کوي.

 

تازه خبرونه

شنبه ۱۴۰۰/۵/۲۳ - ۴:۵۹
Background image

د ځوانانو بین المللي ورځې د نمانځنې په مراسمو کې د جمهوررئیس ګډون

جمهوررئیس محمداشرف غني نن مازدیګر د ”هرځوان یو سرتېری“ تر سرلیک لاندې د ځوانانو بین المللي ورځې د نمانځنې په مراسمو کې، ګډون او وینا وکړه.

په دغه مراسمو کې چې په سلامخانې ماڼۍ کې ترسره. . .

پنجشنبه ۱۴۰۰/۵/۲۱ - ۸:۸
Background image

د کلیوالي اقتصاد د پياوړتیا ملي پروګرام د فعالیتونو  او د روانو امنیتني حالاتو د ارزونې غونډه ترسره شوه

۱۴۰۰ زمري ۲۰

د ښځو چارو وزارت د کلیوالي اقتصاد د پیاوړتیا ملي پروګرام د ۱۲ همکارو  موسسو استازو د دې وزارت د ښځو د اقتصادي ځواکمنتیا له معینې آغلې نذیره رحمان او د دې پروګرام له رییسې. . .

پنجشنبه ۱۴۰۰/۵/۲۱ - ۴:۴۱
Background image

په هېواد کې د ښځو اوسني وضعیت په اړه د همغږۍ ناسته، وشوه

چهارشنبه، ۲۰ زمری ۱۴۰۰
کابل، افغانستان: د ښځو چارو وزارت، د چهارشنبې په ماسپښین د عامه او ستراتېژیکو اړیکو ادارې د حکومت د اطلاعاتو او رسنیو په مرکز کې په هېواد کې د ښځو اوسني وضعیت په. . .

BACK TO NEWS